強調冇感情生活 關智斌冇特別追張致恒還錢

關智斌（Kenny）今日出席限定體驗店活動,透露由農曆年至今忙過不停，因為要學跳舞、演戲、健身同唱歌等，每星期上兩堂，加上本身有工作，好似練到五勞七傷，又解釋不停上堂為增值自己，迎接未來的新挑戰。

談到可有關心好友張致恒的經濟狀況，Kenny說：「佢喺社交平台已經回應，我唔想再加多句嘞！（可有叫他還錢？）冇特別去問，唔記得！等佢處理自己嘅事先。（介紹工作畀佢？）我覺得呢個係佢人生要上嘅一課，作為朋友要畀空間佢。」

對於有傳身邊出現靚仔董事潘家鏗（Edwin），Kenny表示這方面不回應，因為自己有太多朋友。他說：「我成日上堂又做健身，一班十幾人，回應唔到咁多，不如你問返報料嘅人。（感情生活？）我無感情生活，搞到朋友全部都不敢埋我身嘞。」