新碟一歌一造型關智斌《頭頂有角》Look嚇親細路

2021-03-04 20:00

關智斌（Kenny）明日將推出新專輯《前面是新的歲月記得走下去》，他用了一年時間籌備，每首歌都加入自己的想法。而多個華麗、誇張又前衛的獨特造型，都是Kenny精心設計的，他希望每首歌都有各自主題和形象。

專輯一共收錄五首歌曲，《頭頂有角》造型貼近歌詞「一切古怪的或是亦極具特色」，比較大膽；Kenny在《日月》着上橙色及灰色西裝，分別代表太陽及月亮；《暫定》亦以歌詞作靈感，「寂寞了分一半眼淚渡過嚴寒便分一半睡被窩」，照片右半華麗、左半破爛；《隱形人》Kenny則用保鮮紙包裹身體。

Kenny自言最喜歡歌曲《乾爹》的造型：「今次設計團隊全部都係二十歲出頭嘅年輕人。白色一幢幢大廈嘅『孤獨城』係佢哋用鞋盒同紙盒砌出嚟，真係好Talented。而攝影師Leung Mo亦用咗廣角鏡拍攝，呈現一個獨特嘅Angle、一個好詭異嘅寂寞世界。」Kenny在大帽山一間空置大屋拍攝唱片封套，引來不少行山人士注目，他還大爆：「有小朋友見到《頭頂有角》個造型嚇到喊呀！」