Cammi水手制服誘網民

屋邨出身的26歲𡃁模Cammi（謝芷蕙），自16歲出道以來工作機會不多，但身邊伴侶就愈換愈富貴，近年仲頻頻於社交網晒名牌手袋、飾物、旅遊、Fine Dining照，生活質素可謂幾級跳！不過，早前她卻被台灣舊愛S先生數臭貪心，兼公開追討80萬欠款；事件曝光後，Cammi就否認跟對方拍拖，堅稱S先生只是一名追求者，男方因追求不遂而向她作出過激行為，Cammi更獲新歡William出言力撐，並謂：「現在醫美科技發達，有邊個女仔唔貪靚想keep好啲。打個針，填充下，好大件事咩？」

雖然爆出負面新聞，但Cammi一於少理，繼續於社交網晒吃喝玩樂「炫富」照，好似上月情人，她就跟William到港島香格里拉酒店的珀翠餐廳食大餐，席間收到千幾二千蚊一紮的紅玫瑰外，又開了價值78,200元一支1982年的Pétrus紅酒。可惜，一眾Mean爆網民只Focus落其「N次進化」的外貌與身材，有人仲驚嘆「世界已經再冇人認到佢」！一向我行我素的Cammi今日又貼出一張「制服誘惑」性感照，並留言：「開心沒有保質期，快樂的時候不要想太多。」相中，穿日本水手制服的Cammi，坐在籃球場地下擺出托腮「腿張開」Pose，私密部位就巧妙地以一雙白滑玉腿夾「哈哈笑籃球」遮住，姿態撩人！Cammi疑似「P圖」繼續密密Po，相信她都冇將網民的批評放在心內。