【維港會】外傭好心做壞事用滴露抹碗筷 累網民全家連月腹瀉

新冠肺炎疫情持續超過1年，市民都加強了衞生意識。不過有網民揭發，家中外傭錯誤使用滴露消毒餐具，提醒其他市民留意家中外傭情況。滴露網站提醒，如果誤用消毒液浸泡餐具，請用餐具洗滌劑清洗並用清水沖洗乾淨。

僱主指，「依2個月成家連同外傭，成日都肚痛、唔係好舒服，我懷疑屋企個廚房係咪唔乾淨咁，點知真係睇到有隻碗有少少淡黃色跡」僱主於是問外傭，對方稱並不是污跡，而係用滴露抹碗筷。外傭解釋「想乾淨啲，知道酒精可以直接抹碗筷，所以就用咗滴露抹」

僱主聽聞後極為無奈，「所以我哋依排都食緊啲有刺激性和腐蝕性嘅對氯間二甲苯酚」。

但僱主亦沒有責怪外傭，「我個外傭姐姐其實對我地真係好好，但大家都要小心外傭姐姐有時真係唔了解依啲消毒知識！」並建議市民回家查問下外傭有無這樣做過。

根據香港滴露網站，滴露家居消毒藥水適用於家居清潔，可用於家居清潔包括衣物消毒、洗抹地板、家居表面或清潔廁所等，不要用於破損的皮膚或傷口。至於滴露醫用或個人衛生消毒藥水，則適用於急救，醫療及個人衛生，可用於個人衛生包括洗澡以及婦產用途。

根據中國內地滴露網站，「請根據滴露消毒液產品使用範圍使用，不推薦用於餐具水果消毒」，「如果誤用消毒液浸泡餐具。建議用餐具洗滌劑清洗並用清水沖洗乾淨」。

資料及帖文轉載自滴露網站及「我個外傭好心做壞事！原來佢一直用滴露抹碗筷」