星島日報

【獨家】恨同囝囝一齊跑馬拉松 陳山聰有意追多個小情人

2021-03-30 23:00
恨同囝囝一齊跑馬拉松的山聰,坦言有意追多個小情人。
恨同囝囝一齊跑馬拉松的山聰,坦言有意追多個小情人。

陳山聰最近主演以跑馬拉松為主題的劇集《大步走》,他覺得對熱愛跑步的他來說,作品絕對是個好好紀念作。劇中他首次飾演爸爸,跟演其女兒的劉穎鏇更加是相當有緣。他又坦承去年太太Apple為他誕下囝囝陳霆軒(Jaco)後,最恨跟囝囝一齊跑馬拉松,他更有意追多個小情人。撰文:杜淑霞 攝影:譚壹致 髮型:[email protected] Culture 服裝:adidas Hong Kong

恨同囝囝一齊跑馬拉松的山聰,坦言有意追多個小情人。
恨同囝囝一齊跑馬拉松的山聰,坦言有意追多個小情人。
劇中山聰飾演跑步教練,所以跑步戲份不算多,但開心跟老友姚子羚第三度合作。
劇中山聰飾演跑步教練,所以跑步戲份不算多,但開心跟老友姚子羚第三度合作。




山聰第一次演爸爸機會給了劉穎鏇,還覺得兩人好有緣,「我哋由《唐人街》開始,佢做我表妹,到呢套做埋我個女,我仲同阿女佢講,好大機會下一套做埋我女朋友,果然之後幾個月監製Jazz(文偉鴻)就搵我哋喺《超能使者》做一pair,你話我哋係咪有緣。」

山聰在劇中跟演劉穎鏇養父的蔣志光爭女。
山聰在劇中跟演劉穎鏇養父的蔣志光爭女。
現在8個多月大的Jaco得意到暈,難怪山聰想叫太太追多個。
現在8個多月大的Jaco得意到暈,難怪山聰想叫太太追多個。




由口痕跟同樣熱愛跑步的監製黃偉聲提議以此為題拍劇,到現在成事,山聰覺得好感恩,「一個藝人嘅興趣變成生活習慣,再變成一套電視劇,係一個好難得嘅事,呢個真係好感恩,好多謝聲哥畀咗個好好機會我,係一個紀念作。」他坦承跑步絕對影響了他一生,「跑步影響咗我嘅人生、性格、方向,連帶好多嘢令陳山聰𠵱家成為個好正能量嘅人。」既然跑步帶給山聰好多好處,當然希望囝囝也熱愛這運動,「跑步對我有好深意義,所以我好想有一日可以同阿仔一齊跑,呢個係心願嚟,到時應該好開心。」



自爆冧仔成狂的山聰,坦承有意追多個小情人,「最近真係有呢個念頭,因為我自己都有好多兄弟姐妹,我同哥哥感情好深。第二時阿仔返到屋企都係得自己一個,諗到佢大個想搵個人傾訴,可以好似我咁有難題打畀哥哥,我哋將來百年歸老點呢?!有個人商量好啲,但我老婆就話你得一想二,我哋初初係冇諗住生,但外甥女芯芯出現令我覺得ready做爸爸。(想生女?)呢個係我最想,我生咗個女唔代表我唔錫Jaco,但順其自然啦!睇老婆意思先,佢𠵱家仲啱啱康復中,等佢調理好先再諗。」

3歲的外甥女芯芯的出現,不但令山聰想做老竇,更令他恨生小情人。
3歲的外甥女芯芯的出現,不但令山聰想做老竇,更令他恨生小情人。
Jaco深得山聰一班老友愛錫,但搞笑地他對姓胡的人,包括胡定欣和胡諾言特別敏感。
Jaco深得山聰一班老友愛錫,但搞笑地他對姓胡的人,包括胡定欣和胡諾言特別敏感。

最新回應

關鍵字

相關新聞

熱門文章