【維港會】白領網上訴苦 惹客戶隔空反駁:你漏嘢係我唔啱?

有網民在facebook專頁「奴工處」發文抱怨，因為遲交文件一日，而被客戶訓斥到激動落淚，引發網民議論，而懷疑是發文者所指的客戶則隔空駁火，稱對方「甩漏成癮」連累被上級責怪，「今次你又漏嘢又我唔啱呀？」。

有網民在專頁發文，稱某日被客戶發現一份報告遲了1日仍然未交，「佢打嚟鬧我話：我睇唔睇係我嘅事，就算你OT都要死份嘢出嚟畀我。」發文者形容她「嬲到喊」出來。有網民都留言安慰，「做人係咪一定要對其他人殘酷?」、「唔使咁大壓力畀自己，以後記住呢個客難湊，自己上心啲」。

不過劇情發展逆轉，今日專頁上有一名懷疑是涉事的客戶方發文，反駁「唔知遲交畀客鬧到喊嗰單嘢係咪講緊我，如果係我，真係冤枉呀大姐！」。

客戶批評，「你甩漏成癮，每次都冇悔意，有困難又唔攤出來講」。客戶指，「上次你哋遲咗出Invoice（發票），隔咗3日就追我畀錢，大姐我哋公司雖唔係大但有制度，唔係你隊張單來第日就變到錢架！要畀好多人簽名架！」

客戶指，「你累我俾我大佬剷咗鑊甘我都冇X返你啦，今次你又漏嘢又我唔啱呀？」

有網民說，「就算單嘢係咪講你，果個人遲交都無資格嬲返人啦，點睇都應該係個客嬲到喊」、「寧願上嚟圍爐取暖都唔寧願交貨俾人，仲要死不悔改，推卸責任...交貨就識遲，收錢就要立刻，而家呢個世界咩態度」

帖文轉載自facebook專頁「奴工處」