【維港會】酒店Staycation驚見廁所曱甴爬馬桶有嘔吐物 住客嬲爆:無下次

2021-03-04 15:26
「Staycation Hong Kong Hotel」FB圖
「Staycation Hong Kong Hotel」FB圖

疫情下港人「想飛」無望,在無法外遊的情況下,不少港人都喜歡到酒店staycation,務求過下旅遊癮。近日有網民在社交專頁「Staycation Hong Kong Hotel」facebook發文和相指,早前入住尖沙嘴一間5星酒店,打算開開心心玩下,HEA下,豈料發現酒店衛生情況惡劣,房間廁所馬桶上驚見疑似嘔吐物和頭髮,事主投訴後,獲安排換房,竟見另一房內有曱甴爬行。酒店事後派員清理房間,事主嬲爆,形容衰過賓館,話「唔會再去」,事主又指酒店致歉,並稱會提供late check out和下次入住upgrade間房,惟他都拒絕。

網民在Facebook群組「Staycation Hong Kong Hotel - 留港度假 本地酒店住宿優惠」發文指,剛尖沙嘴一間酒店Staycation,但十分失望,形容房間衛生情況「好差」。事主指,起初他獲安排第一間房個,但「馬桶有類似嘔吐物同頭髮係上邊,好核突,要求執房」,職員指「呢啲係回湧」。事主獲轉左另一間房,但入去驚見有曱甴,正在爬行,他隨即投訴,職員派人上房捉,事主話:「捉完都成晚瞓唔着,成日驚住有曱甴爬上床。」

第二日,事主稱,check out時front desk經理前來道歉,指會搵滅蟲公司來處理,「酒店offer比我late check out或者下次我嚟幫我upgrade間房。我兩樣都拒絕咗。」事主直言住得「唔舒服」、「想early check out添」。不少網民驚訝,直言「想嘔」、「無諗過5星都咁」、「有曱甴仲瞓」、「下次唔好揀了」、「下次帶定支殺牠死」。

關鍵字

最新回應

熱門文章