【維港會】網民呻公司派利是麻煩 派得多被指「功高蓋主」

新年時上司都會派發「開工利是」，但原來於公司派發利是都有一番學問，有網民便分享自己公司的「派利是文化」，網民直言其公司的風氣好差，同事在收取利是後會討論當中的金額。而事主亦試過因派發的利是金額比上司高，而被指責「功高蓋主」，令事主對於派發利是感到十分困擾。

事主Vincent上周日（13日）於FB專頁「辦公室日報」投稿，分享自己的公司「派利是文化」。事主表示，上司愛出風頭，「係都要拉大隊走去其他部門講恭喜發財」，事主對此感到不好意思，但亦要無奈附和，「唔去又話你唔合群，跟住去又成個裙腳仔咁」。

事主又指「見盡office百態」，指很多同事收取利是都會即場拆開，又會批評派發者，例如：「頂！Axx派20蚊咁cheap，第日唔幫佢做嘢！」、「Jxxxx派一封嘅喂？唔係結咗婚一定要打孖咩？咪咁孤寒啦！」等等，令事主覺得厭惡。事主更分享指，有次隔離部門的男同事直截了當向另一名男同事索取女兒的利是，令事主大感驚訝。

事主指自己去年第一次派利是，他第一次派發利是亦顯得小心翼翼，「『汲取』之前嘅經驗，唔熟嘅同事一律20，work得比較close，仲有自己department嗰班就全部50」。事主本以為計畫天衣無縫，但沒想到竟然惹來上司的不滿，同事向事主覆述稱「佢（上司）話你扮大佬！佢一人派一封50，你一人派兩封50，即係100，佢係阿頭，竟然派得少過你，覺得你落佢面」。

事主直言感到「委屈」，大呻派利是都要算盡心思。事主指今年利是的金額不變，不過會改為只派一封，「預咗實畀人話縮水，但我唔care，派錢出去唔通仲要介意人哋點講咩」。

帖文一出便引起網民熱議，有網民認為其實利是只是一份心意，不應過份計較當中的金額，亦有不少網民分享自己公司「獨特」利是文化，「我條team個阿姐買張六合彩當派左利是」、「我呀妹係公司收過1蚊美金嘅利是」。

資料來源：辦公室日報