星島日報

大年初三適逢情人節 蔡少芬張晉跟3子女共度

2021-02-13 15:44
春節是要全家人一起過,所以初三的情人節,蔡少芬和張晉放棄二人世界跟3個小情人過。
春節是要全家人一起過,所以初三的情人節,蔡少芬和張晉放棄二人世界跟3個小情人過。

蔡少芬(Ada)原定今年一家回老公張晉老家重慶拜年,但因疫情關係,最終留守上海。Ada表示:「新年習俗會食湯圓同食團年飯,過往會畀啲囡寫揮春,然後貼滿屋企,不過今年有朋友送上揮春,所以冇寫揮春。其實自己由細到大都會買新衫過年嘅習慣,每年都不例外,依家我哋所穿的紅色衫,三個小朋友都有,仲要係同一款式,只係Size唔同。」她還自誇最拿手做團年飯菜式,卻被身旁老公揶揄:「係你做㗎咩?」Ada即笑言:「哈哈,我有份叫返嚟,年年我哋都會買,唔會做,會買年糕同盆菜,好方便,唔使自己做,㷫番熱啲食物已經好叻。」
今年大年初三適逢情人節,兩公婆決定放棄浪漫二人世界,與家中三位「小情人」楚兒、信兒、樂兒共度熱鬧情人節,Ada說:「情人節唔一定要二人世界,佢哋(小朋友)都係我哋啲情人嚟!唔應該放低佢哋,而且新年大過情人節感覺,想同小朋友共度。」講起一歲大的囝囝樂兒,Ada、張晉甜蜜表示實在太多趣事分享,「佢一聽到我哋唱歌就會跳舞,最鍾意轉圈,佢覺得轉圈就係跳緊舞,好搞笑,而且佢又好鍾意玩,玩啲高難度動作,拋來拋去,依家又鍾意家姐彈琴,家姐一彈琴,佢就會坐隔離幫手亂彈。」

春節是要全家人一起過,所以初三的情人節,蔡少芬和張晉放棄二人世界跟3個小情人過。
春節是要全家人一起過,所以初三的情人節,蔡少芬和張晉放棄二人世界跟3個小情人過。
蔡少芬身上的紅衣同子女都是一樣的。
蔡少芬身上的紅衣同子女都是一樣的。

張晉提起一歲大囝囝就超搞笑。
張晉提起一歲大囝囝就超搞笑。

最新回應

關鍵字

熱門文章