【独家】整汤丸冧男友沈震轩 陈欣妍牛年望跟许光汉拍偶像剧
2021-02-09 21:00 
陈欣妍（Shirley）在鼠年可谓爱情事业两得意，跟沈震轩（Sammy）拍拖两年多一直甜蜜，事业亦令Shirley喜出望外；展望牛年她当然想食住个势，仲表明想跟台湾男神许光汉合拍偶像剧。而出名煮得的Shirley亲自教整「绿茶流心汤丸」，除了用来冧男友外，还预祝《头条日报》读者有个甜蜜蜜的情人节和新一年。撰文：杜淑霞 摄影：张咏森 发型：Jo lam@salon Trinity 化妆：[email protected] 服装：b+ab场地：Seaview Viva
Shirley一手好厨艺原来师承当厨师的陈爸爸，「佢煮中餐嘅，所以我就食惯好嘢，敏锐嘅味觉系遗传自己爹哋嘅手艺。」原来平日男友Sammy都有受惠她的好厨艺，「不过佢对食冇乜要求，最紧要有午餐肉。」但用绿茶做饀灵感也是来自男友，「汤丸系整畀大家一双一对食团团圆圆，但男仔惊食好甜嘅嘢，绿茶啱啱好，男女都锺意。（Sammy锺意？）佢都锺意。（男友食唔到？）可以速递畀佢！」
谈到鼠年，Shirley会用喜出望外来总结上年事业发展，「因为我冇计划过可以喺电视台亮相，都系一个惊喜，当初去ViuTV casting电视剧《黑巿》时，撞到朋友拉咗去《辣火头》嗰边casting，之后就再有《美女郊游游》。旧年嘅巿况下拍电影已经好开心，估唔到拍到香港同印度合拍片（《我男友系好「差」》），突然间令到好多印度观众认识咗我，不停追踪我，又会留言。」
对于新一年，Shirley除了想keep住个势，仲想有更多新尝试，「我想拍多啲电影，想试多啲唔同角色，其实今年喺年尾拍咗套喜剧《忽然心动》，今年试过喜剧又试过Bollywood，希望下年可以试吓啲武打，做吓女杀手嗰啲。」剧集方面Shirley恨拍类似《想见你》的偶像剧，男主角最好是男神许光汉，「我都惊畀佢啲粉丝闹，各位许太我想澄清吓，我纯粹想同佢拍剧。（仲扮到学生？）只要淡妆啲唔好画眼线仲得嘅，但要把握呢几年。」至于综艺方面她就想试流浪形式的旅游节目，「身上冇钱以物换物嗰啲，我好想自己试吓。」
最新回应