落多區送暖踩足6個鐘　瑪姬捐6千口罩予基層市民

一向熱心公益的瑪姬繼去年3月自購2,000個口罩到馬鞍山派發給400位街坊後，趁農曆新年前，她再私人捐贈6,000個口罩並一日內走訪多區送暖，瑪姬說：「希望呢一點小心意能為有需要人士迎來一個溫暖嘅牛年。」

在中華關愛長者福利協進會的義工帶領下，瑪姬早前探訪了洪水橋寮屋區家庭、柴灣劏房戶，以及梨木樹隧道和西灣河隧道的露宿者，她說：「呢個協進會定期探訪基層家庭，佢哋收到嘅善款同物資唔會扣除任何成本轉交受惠者，所有義工都係自己揸車走勻咁多區落手落腳行善，我覺得非常有意義，所以主動聯絡佢哋表示想一齊參與。」

談到6小時探訪中，最深刻首次深入洪水橋寮屋區接觸30多戶家庭，瑪姬憶述：「我哋到埗時已入黑，推住載滿物資嘅手推車經過崎嶇迂迴嘅路入去，仲要不時走返出嚟喺貨Van補給物資，的確有少少吃力，但見到大家嘅笑容就抵番晒。」她又感激慈善組織安徒生會代為將其餘口罩派給南丫島的長者和家庭。