Riley遇「藍莓怪」勁崩潰　孫慧雪爆笑晒囝囝醜態連環圖

好多小朋友都唔鍾意食蔬菜，好似「三色豆」咁真係睇見都喊出嚟，索人妻孫慧雪（阿雪）個3歲囝囝Riley亦有偏食習慣，不過他討厭的居然是香甜的藍莓！昨晚阿雪於IG貼出一段影片，並留言：「唔想食藍莓啫，好似我用槍指嚇佢咁！救命。」片中，阿雪拎住支拮住粒藍莓的叉，從客廳一路追住Riley到走廊，Riley就驚到面有難色兼爆喊，其間仲嚇到拍大髀兼狂「揼地」，而背景一班大人就個個食晒花生喺度笑。

至於一眾網民見狀紛紛爆笑留言：「好似拍恐怖片咁嘅」、「好慘，但笑死」、「唔知以為被人打」等，圈中好友張美妮也笑謂：「好搞笑呀！」今日阿雪再於Riley的IG帳戶，貼出囝囝起飛腳對抗「藍莓怪」的醜態連環圖，最後一張似乎Riley都受驚過度，瞇晒眼軟癱在沙發上。呢個阿媽成日整蠱囝囝，認真百厭！