【維港會】天文台祝家用「處死式熱水爐」勇士寒流下平安

天文台在facebook專頁上載一張「度天隊長」的 「出浴照」，成為網民熱話。

天文台就形容，「除了會凍一切都美好」，今晚天氣會進一步轉冷，「又到咗考驗儲水式電熱水爐勇士們嘅時候喇」。天文台提醒，就算「唔係用緊處死式，都要沖快啲，幾分鐘就夠㗎啦！慳水慳電慳能源」。天文台還配上「#3分鐘戰鬥浴」、 「#生死時速」主題標籤。

天文台預測天晴及非常乾燥。今晚氣溫進一步下降。明早嚴寒，最低氣溫約7度，日間最高氣溫約12度。吹清勁至強風程度北風，初時離岸及高地間中吹烈風。元旦同星期六仍然寒冷，不忘叮囑「各位用家撐住啊」。

有網民留言稱，「用儲水式電熱水爐，沖涼真係要快手快腳架⋯⋯同時沖涼洗頭，臨尾有時係會唔夠熱水」、「根據非正式統計，使用處死式電熱水爐嘅人，都會比其他人更把握每分每秒」。有網民分享小秘訣「我用盆裝一盆熱水，再煲多一爐先沖」.