【維港會】親戚兒子玩關門巨響嚇死兔仔 女飼主自責無睇實

網上討論區「親子王國」有網民發文，家中飼養幾年的兔仔「小咪」被親戚登門的巨響嚇到暴斃，令網民十分自責，最終安排寵物善終公司火化遺體。

女飼主透露，表哥一家上門拜訪，「表哥個仔係度玩我屋企道門，跟住無啦啦嘭一聲！嘭到我都嚇咗跳，原來表哥個仔勁大力嘭埋道門」。當時女飼主並未為意，直到十分鐘後留意到兔仔無動作，「去睇一睇，發現佢唔識郁，伸手摸一摸，無咗呼吸啦 。聽人講兔仔好細膽，應該嘭門個下嚇死咗佢 」。女飼主相當自責，「如果我有好好睇實你，就唔會發生咁嘅事了」。

女飼主又指「表哥同表嫂都知，但無同小朋友講，係我叫，因為事實上小朋友掂都無掂過小咪，佢都無心，成件事都係我自己無睇實」。

其他網民連日來送上安慰，不少人認為是無妄之災「兔兔安息！可能佢本身有心臟病，嚇一嚇猝死都唔出奇」、「佢要嚇死點都會死，你睇住佢又有咩用? 唔好自責了」、「兔仔本身係好細膽，加上突然而來聲音，樓主都被嚇一跳，可想而知兔仔有幾驚恐而亡。」

有網民認為應該要糾正小朋友行為，「我都覺得， 要比小朋友知囉， 如果佢知亦受教，下次佢會小心啲」、「係人哋屋企玩門都唔啱啦」。