【維港會】愛貓打爛30年歷史精工旋轉鐘 網民相憐「電視用咗10日」

寵物調皮時候可以成為破壞王，有網民在「天下貓貓一樣貓群組」上載一地玻璃碎以及一個時鐘殘骸的照片，透露其飼養的黃貓打爛了家中30年歷史的精工牌旋轉鐘，令她十分無奈「我心都碎埋，佢好仲扮到好驚」.

帖文引來網民安慰，不少人都有同感，「明白呀樓主，戥你肉赤，珍藏咗咁耐嘅嘢，打爛咗一定可惜... 貓貓唔識分，你唔好嬲佢啦」。有人指「明白你的感受，當我有一日放工回家勁攰啦，一開門入到屋見到個電視瞓低咗，心知不妙。結果個電視機個mon爆咗，最後個電視機係睇唔到了，用咗10日咁大把，真係嬲到我癲。但貓貓知錯就原諒佢啦」

不少人建議，「一啲珍貴嘅嘢，自己要小心啲，佢都唔想嘅」、「自從養咗貓，我就唔會將任何一件可以打得爛嘅嘢，放出嚟！除咗個電視機！」

有人更譏笑，藝人周柏豪2012年打爛玻璃杯後發表帖文強調用了15分鐘去細心欣賞，笑問事主「有冇同貓貓認真欣賞15分鐘先？」.