【維港會】網民意外撞花凌志 感激好心人幫口慳返一筆

駕駛要留神，否則易生意外！近日就有網民於討論區發文，指自己日前與女友到赤柱遊玩時，不小心撞花一輛私家車，雙方商討賠償時，有好心人前來幫口，最終以3000元平息事件，令他慳返一筆，他感嘆稱：「其實香港仲係好有人情味」。

該名網民於討論區以「今日喺赤柱hi花咗人哋部車，想多謝幫我講數嗰位仁兄」為題發帖，指自己和女朋友於赤柱遊玩，離開時不小心撞到前方一輛Lexus，樓主因為理虧，隨即下車與車主商討。對方當時指「要拎去原廠整，仲話唔知sensor（感應器）有無壞」，又稱自己會去相熟車房維修，隨後再向樓主取回維修費，當時車房報價約3千至4千。

當樓主徬徨無助之際，突然有途經的熱心路人幫口，著樓主不要待車主畀單，又指「呢啲花咗少少二千蚊都畀多」。隨後又有另一名好心人幫口稱「最多$2500都整到」。

最終凌志車主檢查後發現感應器沒有壞，加上趕時間，與樓主協商賠3000元了事，樓主不禁大嘆，雖然事件是自己的過錯，但仍有人願意為自己開口，「其實香港仲係好有人情味」。

帖文引起不少網民留言，認為樓主幸運，亦有人稱凌志車主好人，如果是自己的座駕被撞都會想有最好的維修，「返原廠就最穩陣，所以其實對方肯算數 都算係咁」。