無業夫涉謀殺3個月大親女案 妻供稱「無諗過先生會咁做」

42歲無業漢兩年前涉嫌在22歲妻子離港北上期間，在新田東鎮圍一間村屋內，以枕頭及被鋪把年僅3個月大的女兒掩頭窒息致死。被告否認一項謀殺罪，案件今於高等法院進行第二日審訊，妻子今繼續出庭作供，她指自己當時「想法愈來愈負面，每日都想自殺」，「唔想畀人搵到就返大陸囉」。期間她因擔心女兒而一直與丈夫傳送短訊，「但唔會估到我先生會咁做，總之返到嚟BB就死咗啦」。

妻子盧殷童自稱案發時有產後抑鬱症，一家三口靠每月一萬多元的綜援維生，盧在2018年8月20日外出與朋友飲酒，丈夫張應輝怪責她「成日出去玩」。盧於2018年8月21日凌晨，趁女兒及男被告張應輝睡覺時悄悄離家，北上到內地某賓館過夜。盧指：「我情緒愈來愈差，所以走左去冷靜」，而她自認有情緒問題，不時會發脾氣及「唔開心」，「係屋企覺得自己無用」，「想法愈來愈負面，每日都想自殺」。

控方在庭上讀出兩夫婦的短訊紀錄，張向盧指：「無啦啦走咗」、「你唔理我同BB啦?」、「琴日仲好哋哋，有咩唔開心搞成咁？」，盧問張有否帶女兒覆診，張指：「今日你做嘅嘢，你會後悔一世」、「咩都番唔到轉頭」。盧認為張意指她會「無左依頭家」，又認為張會與她離婚，但盧翌日仍不打算回港，她指她當時「情緒好負面，唔想帶啲（情緒）回家」。

張一直在短訊指：「講唔講都好，結果都係分手」，「咩都番唔到轉頭」，「所有野都太遲」，盧接連道歉及請求張的原諒，並解釋指：「我一時諗唔開咋，唔好咁樣」，張則指：「你一早咁講就唔會搞成咁」、「你諗唔開都令到我諗唔開」、「你閂機唔聽我電話個時有無理我感受？」、「你個日玩通宵我都無怪你」、「你有情緒病，我都有情緒架」。

盧在2018年8月23日晚上11時許回家，見到家中全部窗門關上，女嬰「瞓喺張床度，俾啲枕頭同被鋪冚住左」，盧形容指：「（被鋪）好整齊咁冚住BB，兩個枕頭都遮住BB個頭」，「拎開枕頭見到BB塊面紫色」，盧看到女兒手指屈曲至拳頭狀，盧感到「好驚」，故趕忙致電家人求助。

42歲男被告張應輝被控於，或約於2018年8月22日，在香港謀殺女嬰張嘉雯。

法庭記者：劉曉曦