李亞男驚喜生日派對太雀躍 王祖藍：小心生咗個B出嚟

李亞男前日（25/11）36歲生日，老公王祖藍為正懷第二胎的亞男送上三大絕「蜜」殺手鐧。祖藍先在愛妻生日前夕借開會之名，偷偷溜入錄音室錄下王力宏的經典情歌《Forever Love》 ，據知這歌是二人的定情歌曲，十分浪漫。
另外祖藍給疫下在家愛上烘焙的亞男，送上私下訂製印有愛妻處女食譜《暖男廚房》字眼的麵包袋。
祖藍深知亞男愛熱鬧，更一早就聯絡了好友蔡少芬、孫耀威、陳美詩等，於亞男生日當天偷偷躲藏家中炮製驚喜派對，當亞男看到一眾好友突然現，的確十分驚喜，由於表現太雀躍，惹來祖藍打趣謂：「小心生咗個B出嚟！」
可愛女兒Gabby當晚亦十分搶鏡，與媽咪及一眾auntie齊齊「嘟嘴」拍照，精靈非常。

亞男事後坦言生日當晚玩得很開心：「原本今年生日都係諗住一家人食餐飯就算，估唔到祖藍安排咗幾位好朋友嚟同我慶祝，我覺得好Sweet。同埋好多謝佢為我特製咗一批『麵包袋』，佢話方便我焗完啲包包或者甜品送畀人時有返自己嘅嘜頭，等我感覺好似有屬於自己嘅品牌咁。」問到生日願望？亞男說：「我希望所有人都身體健康啦，身體健康真係好重要。（第二位BB係咪就嚟出世？緊唔緊張？）都係期待啦，希望佢肥肥白白，健健康康，開開心心咁成長就OK喇。」