想搞婚宴多過度蜜月 袁偉豪生B睇張寶兒頭

馬國明、袁偉豪、張振朗、黃智雯、蔡思貝、關寶慧等出席無綫台慶劇《使徒行者3》宣傳。新晉人夫袁偉豪婚假已完結，完成宣傳後隨即拍攝新劇《把關者們》。袁偉豪提到前日過著普通人人生，為婚禮餘下的事作善後，例如找數及執屋，晚上跟太太張寶兒吃晚飯。問婚禮當日可有「蝦碌」事？他說：「因為太忙，事前兄弟姊妹無開會亦無分工，所有事都係即場解決。」

問到度蜜月？袁偉豪表示疫情過後才會掉安排。他說：「其實反而想舉行婚宴，可以請多啲朋友，大家可以開開心玩一夜。（可能要等到結婚周年。）呢一個係個好好嘅提議。」至於造人計畫？他坦言喜歡小朋友及期待做爸爸，但要看寶兒，除非有意外。問可會製造意外？他笑說：「咁又唔會！呢方面我好小心，無事嘅。」