【聽話啦】呼籲觀眾完騷勿後台等候 張敬軒語重心長︰要識得分輕重

張敬軒的紅館騷今晚來到第四場，由於疫情嚴重，為咗防疫起見，他事前已拍片呼籲觀眾完騷後勿到黃閘位置等候，講明不會出來見Fans，確保大家安全，但連續幾晚仍有部份歌迷「癡癡為你等」！軒仔昨晚在社交平台再度呼籲︰「各位朋友仔，由於防疫安全，今晚唔好亦都唔可以再喺後閘等喇，大家要乖，要配合好我哋，我哋先可以繼續做好個SHOW。聽話喇吓，大個仔大個女要懂事，要識得分輕重。真係唔可以再聚集同等候喇，大家嘅心意我收到了，等疫情過後，我哋再影相簽名吓！」

此外，軒仔在限時動態上載早餐相，笑指今日加餸，除了有歪歪斜斜小籠包外，更驚見烚雞髀，難得有肉食，相信今日冇投訴喇啩！