喱士西裝玩透視 張敬軒指玉背白滑全靠「遮遮」早餐
2020-11-24 16:15 
昨晚，《張敬軒 X 香港中樂團盛樂》進入第二場，圈中好友如馮允謙、鄭欣宜、Dear Jane、湯怡，李靖筠，陳家樂及容祖兒媽咪都有捧場。
於演唱會的第四部分，軒仔換了一件黑色新西裝，前後都有喱士玩若隱若現，背部差不多全透非常性感，一出場已歡呼聲四起。軒仔笑說，「成晚背脊有啲涼浸浸，哈哈。」又叫觀眾幫他影相留念，「正所謂襯青春留倩影，幫我影幾張靚相！」引得大家哈哈大笑。
但最抵死一定同「早餐KOL」有關，軒仔不單大爆屋企「遮遮」的由來，更以白滑背脊明寸「遮遮」，「呢一個咁嘅背脊，一粒瘡都冇，就係日日食白粥同麵包食番來！我直情開始食到有啲妊娠紋添！」觀眾又拍掌又大笑，軒仔即刻好無奈：「你話唱得咁辛苦為乜，遮遮重多掌聲過我。」
多得軒仔嘅ig Post，「遮遮」家陣好紅，軒仔話姐姐曾經長時間在台灣工作，識講80%國語，一心想她照顧來港生活的父母，「我爸爸媽媽都唔識講英文，同事叫Vincent，佢哋就叫人瘟神，所以諗住請個識國語姐姐照顧，可惜因為疫情關係，父母來港計畫一再拖延，我哋已經十一個月冇見面，只能通過視像傾電話。」
關鍵字
最新回應