【終於有啖好食】開「深夜食堂」烚水餃 張敬軒食到「JAPJAP」聲
2020-11-24 14:13 
張敬軒自上月開始Post出家傭「姐姐」預備的早餐後引起網民超大迴響，接連不斷的「驚喜」早餐更令軒仔幫自己改咗「包勁硬」及「粥勁稀」兩個新花名！軒仔自第一次公開早餐相之後已過了成個月，未知是否食得太多頹爆早餐，他昨晚在限時動態上載好幾條整宵夜短片，只見他拿出一包急凍水餃，三兩下手勢便已經烚好，軒仔更鋪上餐墊上枱，成件事充滿儀式感。即使只係白烚現成嘢，但軒仔似乎十分滿意，在片段中寫下「JIJAPJIJAPJIJAP」的擬聲詞，食得津津有味喎。
昨晚的宵夜片段似乎太冇驚喜，今朝軒仔再度Post出早餐娛樂大家。他搞笑指早餐是「冠狀班戟配1:99漂白粥水」，不過就大讚「姐姐」煎的班戟有進步，「唔似百潔布了，似毛巾」。而軒仔亦繼續將社交平台頭像每日一轉，以配合每日的驚喜早餐，今日當然轉成藍莓毛巾班戟，睇嚟係「口裡說不身體卻很誠實」。
關鍵字
最新回應