【台慶夜】張曦雯玩Game差啲走光 余德丞驚險踩波車

一向好壓場的兩大阿姐汪明荃與鄭裕玲主持「阿姐大阿姐」環節，從兩大台慶劇主要演員張振朗、張曦雯、蔡思貝，以及袁偉豪、黃翠如、黃智雯兩組中猜出誰是「盲俠」，兩組人戴上太陽眼鏡扮盲行Catwalk、最終鄭裕玲被考起。而玩遊戲其間張曦雯好落力，玩到烏晒身差啲走光。

而另一遊戲就安排了一眾小生曬冷式上陣，包括陳豪、黎耀祥、蕭正楠、洪永城及馬國明等躲在幕後只露出臉及雙手，兩位阿姐要估出誰的雙手不是本人，期間主持之一的余德丞踩中道具波險跌，都幾驚險。