【維港會】學生發燒仍被逼返學 家長拒早退：俾兩粒退燒藥佢得啦

本港疫情反覆，近日更有小學女教師確診，令學校都提心吊膽。不過有中學校工就在社交專頁投稿指，有學生昨日發燒，家長竟讓他吃了退燒藥繼續返學。校工致電家長後，家長竟拒絕讓孩子早退，更稱「俾兩粒退燒藥佢得㗎啦！」

這名校工在「生仔要考牌系列」Facebook專頁指，有學生小息時到校務處保健室休息，一問之下才知道，學生昨晚開始發燒，今早吃了退燒藥繼續上學。校工聞之色變，立刻叫學生執書包早退看醫生，隨後就致電家長。不料家長竟說：「我今朝俾咗退燒藥佢食㗎啦！退咗咪返得囉！」

校工解釋，因為疫情緊張，學生發燒一定要早退，也不應上學。但家長竟再拒絕早退，「洗咩咁煩，你哋俾兩粒退燒藥佢得㗎啦！」校工堅持學校不可亂讓學生食藥，家長最後無好氣地表示，自己不會來接孩子，「你哋學校真係煩，咁易中咩！鍾意退退飽佢......你叫佢自己走啦！」

網民紛紛鬧家長自私無公德心，「第一次覺得小朋友好慘」、「如果小朋友獨自回家途中，出了什麼意外，那家長肯定又會怪責學校」、「有一類家長逼發燒仔女番學, 驚佢趕唔上進度；有一類家長逼發燒仔女番學, 因為想搵托兒所」、「如果佢係其他同學家長會點諗？會唔會又覺得無咁易中所以隔籬枱同學發燒都冇所謂？」