【維港會】拒送$300衫被指孤寒 港男批女友貪錢遭網民鬧爆
2020-11-02 16:11 
如果女仔下下都要求男友買嘢畀佢，或許會被指是拜金港女，更可能會令這段感情關係受到一定影響。有港男發文指，近日因沒有買一件價值300元的衣服給女友，而被批「太孤寒」，令他心痛表示原來女友如此貪慕虛榮，於是在網上大呻。不過帖文一出，該名港男竟被大家話返轉頭！
一名港男在連登討論區上，以「女朋友突然變到好貪錢」為題發文，指與同是學生的女友已拍拖2年多，二人外出吃飯都是奉行「AA制」，即使偶爾會到較貴價的餐廳吃飯，她也會要求一人一半。而且港男表示，女友不曾要求或暗示他要送禮物，所以他一直「好自豪識到個咁嘅女朋友」。
不過這份「自豪」在某天產生了變化。話說有一天，女友突然指想買一件價值300元的衣服，但又不停表示太貴而捨不得買，港男當時說服女友購買，表示「三百蚊有一件好想要嘅衫其實都抵呀」。怎料，女友最後因為「暗示」男友送衣服不果，而批評他「太孤寒」，更生氣地表示「少少錢都唔肯使去佢到」、「男朋友肯洗錢落自己（女友）到=愛自己（女友）」。
港男聽後感到既無辜又無奈，更表示不明白「花錢於情人身上」與愛情有何關係，又指女友的語氣像是在強迫他送東西給她一樣，於是感歎道：「係咪真係所有香港女仔都一定係貪錢？定只係我嗰個比較港女？點解佢會突然變到咁陌生？」
但是港男的控訴，並沒有得到太多網民的認同，更反被網民指他「斤斤計較」，「唔知以為佢要你送三萬蚊嘅衫，三百蚊都咁計較」、「你似港女多啲」、「300蚊姐 唔使長編大論吖嘛」。港男事後就澄清，並非計較那300元，「我係唔開心點解我付出咗咁多嘢（無論係咪錢銀嘅嘢），但因為單單一樣嘢就俾佢妖魔化咗我。」
最新回應