【幾有情趣】露營食剩少量肉 張震嶽返歸開戶外防風爐煎嚟食

46歲嘅張震嶽好鍾意玩戶外活動，玩水超Like，踩單車亦喜歡更試過帶隊環島遊，行山露營絕對是近年至愛，仲會孭埋2歲餅印囝囝小谷沐一齊行山，又試過同老婆拍拖露營，相當識玩。

呢幾日張震嶽又去咗露營，因為食剩咗啲肉所以拎返屋企食，重點係張生唔用爐頭開火煮而用露營用嘅小爐具嚟煮，包括煮飯及煎肉。張生所用嘅爐具產自瑞典，專出產高效能酒精爐及防風爐系列，爐具超易用，見張生由拆開到煮到收番埋超簡單。

有朋友留言指張震嶽家裡明明有煮食Gas爐但硬要用露營煮食爐，張生就答:「硬來才是王道」，亦有朋友話佢個小鍋飯份量不是開玩笑，張生就話因為「剩一杯米，全煮吃光光。」咁其實米就留得嘅，唔使夾硬食啫，食到個樣咁辛苦為乜呢。