【好可愛】帶「小谷沐」玩衝浪 張震嶽一歲八個月囝囝超大膽

46歲的張震嶽好鍾意玩戶外活動，行山、露營同衝浪乜都啱，自前年做咗老竇後，兩人行變三人行，小朋友細細個就接觸大自然，經常同陽光玩遊戲，其實幾好。

尋日一家三口就去咗海邊玩，一歲八個月又十日嘅「小谷沐」完全唔怕水，見浪衝埋嚟仲不斷笑，更爬上爸爸嘅滑浪板，初初玩企唔穩不斷跌，但小朋友唔驚，跌咗再企返身，如是者玩咗好多次，終於成功。「帶兒子去海邊，第一次玩衝浪板，就想站，而且沒在怕水的，一歲八個月又十天。衝浪很好玩，海王子沒在怕水的。」

小朋友玩得好開心，追住爬上板，而張震嶽更開心，全程Keep住笑，負責拍攝嘅媽媽同樣由頭笑到尾，成段片都睇得好開心。