首談同舊愛遊艇激嘴被偷拍 添麥菲查洛美強調絕對唔係夾料

24歲的新一代荷里活男神添麥菲查洛美（Timothée Chalamet）憑電影《以你的名字呼喚我》紅遍全球，更獲提名角逐奧斯卡影帝，自此片約不斷，新作有將於下年上映，《銀翼殺手2049》加拿大導演丹尼維勒納夫執導的《沙丘瀚戰》。

事業發展順利，情史亦非常豐富。18年尾搭上尊尼特普（Johnny Depp）女兒Lily-Rose Depp，熱戀年半至今年4月分手，之後火速搭上曾拍攝《銃夢：戰鬥天使》（Alita: Battle Angel ）的30歲拉丁女星Eiza González，更被狗仔隊拍攝到兩人於墨西哥度假期間熱烈地Kiss。不過呢段姊弟戀先啱開始，Timothée又被拍攝到跟已故「蘋果之父」喬布斯（Steve Jobs）的22歲女兒Eve Jobs撐枱腳，靚仔真好！

去年9月Timothée跟前度Lily-Rose Depp出席完威尼斯電影節後即轉去卡普里島（Capri Island）度假，之後兩人在遊艇上的激吻照在網上瘋傳。日前Timothée接受外國雜誌訪問提到以上歷史，當事人表現得好無奈，「嗰晚我上床瞓覺，以為嗰陣係我人生中最美好嘅日子之一，因為全日都同我愛嘅人喺船上，我合埋眼，覺得好正。」不過幸福感並冇持續好長時間，「 見到啲相覺得好尷尬。」Timothée表示，「人哋會覺得呢啲係公關技倆。」暗示絕非同傳媒夾料博見報。

雜誌訪問好睇，專訪相亦非常靚仔有Feel，要珍藏。