星島日報

【獨家】撇低愛女 拖老婆西貢食碟頭飯 陳展鵬盲舂舂去打Golf摸門釘

2020-10-20 23:30
展鵬和Phoebe早前撇低愛女,以一身Golf Look現身西貢市中心。
展鵬和Phoebe早前撇低愛女,以一身Golf Look現身西貢市中心。

近年升呢人夫兼人父的陳展鵬好黐家,唔使開工就會留喺屋企陪家人,所以成個IG都貼滿1歲半愛女陳諾瑤(小豬比)的萌照。「前世情人」抵錫,但他都冇忽略愛妻單文柔(Phoebe),閒時又會陪對方High-Tea、行山、打高爾夫球。早前《頭條日報》記者便拍得一身Golf Look的陳氏夫婦現身西貢市中心,兩人選擇幫襯茶餐廳食碟頭飯;醫飽肚仔後,兩公婆就駕車到烏溪沙高爾夫球場,惜疫情下場地冇開,自己唔Check清楚真係冇計,打唔到Golf唯有返歸湊女。採訪:張詠森

展鵬和Phoebe早前撇低愛女,以一身Golf Look現身西貢市中心。
展鵬和Phoebe早前撇低愛女,以一身Golf Look現身西貢市中心。
展鵬和Phoebe叫了兩份碟頭飯食,食飽就齊齊篤手機。
展鵬和Phoebe叫了兩份碟頭飯食,食飽就齊齊篤手機。


43歲陳展鵬自從18年迎娶細13歲的落選港姐單文柔,並於翌年誕下女兒陳諾瑤後即變身「愛妻號」兼「女兒奴」,經常於社交網晒家庭生活照!榮升老竇後,雖然要密密拍劇賺奶粉錢,但展鵬一得閒就會幫手湊女,留喺屋企同囡囡玩、為囡囡拍下成長紀錄,可謂錫到個女燶;而為了不讓陳師奶呷醋,曾經公開冧爆指Phoebe「像陽光般把自己融化」的展鵬,亦會百忙之中抽空陪老婆行超市,又會陪老婆食自己最怕的Afternoon tea。


大碟夾抵食
早前主演劇《超能使者》終於煞科,唔使開工的展鵬便跟Phoebe撇低愛女過二人世界。當日下午2時許,兩公婆以一身高爾夫球Sporty Look駕車到西貢市中心覓食,泊好車後,他們先步行到一間西餐廳攞位,估計已經坐滿客,二人就索性到附近的茶餐廳醫肚。而今次輪到Phoebe陪老公享受「男人的浪漫」,兩人一坐低點了兩份50幾蚊的碟頭飯,包例湯又有嘢飲都只係百幾蚊,真係經濟又實惠!其間夫婦倆又邊食邊傾,食到飽便各自做低頭族,全程逗留約45分鐘先去埋單。

Phoebe陪老公享受「男人的浪漫」。
Phoebe陪老公享受「男人的浪漫」。
離開餐廳時,展鵬行到門口唞多兩啖新鮮空氣先戴番個口罩。
離開餐廳時,展鵬行到門口唞多兩啖新鮮空氣先戴番個口罩。


車河一日遊
隨後Phoebe入咗一間麵包舖掃走一袋包,企喺門口等的展鵬一見老婆行出嚟,即好Sweet地同對方一個膠袋兩份拎;然後雙雙步行至另一間Cafe,待Phoebe買完咖啡後,他們便取車直駛至烏溪沙高爾夫球場。未料長途跋涉去到球場閘口,由於政府於上月11日才放寬社交距離措施,當時娛樂場所及運動場一律仍勒令關閉,遊咗一輪車河的陳氏夫婦,最終發現高爾夫球場冇開便無奈返歸。

Phoebe去麵包舖快速掃走一袋麵包,老公則在門口耐心等待。
Phoebe去麵包舖快速掃走一袋麵包,老公則在門口耐心等待。
雖然個膠袋細細個,但展鵬都堅持同Phoebe勾住手仔兩份拎。
雖然個膠袋細細個,但展鵬都堅持同Phoebe勾住手仔兩份拎。
返去攞車前,展鵬陪Phoebe到Cafe買咖啡飲。
返去攞車前,展鵬陪Phoebe到Cafe買咖啡飲。
陳氏夫婦登上坐駕後,便直駛烏溪沙高爾夫球場。
陳氏夫婦登上坐駕後,便直駛烏溪沙高爾夫球場。
駛到目的地,展鵬先發現政府勒令關閉球場,二人撲個空唯有返屋企。
駛到目的地,展鵬先發現政府勒令關閉球場,二人撲個空唯有返屋企。
自從組織家庭後,展鵬就變成「顧家男」勁錫太太和囡囡。
自從組織家庭後,展鵬就變成「顧家男」勁錫太太和囡囡。
展鵬和Phoebe一得閒就會去拍拖打Golf。
展鵬和Phoebe一得閒就會去拍拖打Golf。
日前趁「前世情人」瞓覺豬,展鵬就專心陪Phoebe出街食飯,慶祝結婚兩周年紀念。
日前趁「前世情人」瞓覺豬,展鵬就專心陪Phoebe出街食飯,慶祝結婚兩周年紀念。

最新回應

關鍵字

相關新聞

熱門文章