撇低囡囡慶祝結婚兩周年 陳展鵬單文柔歎法菜兼staycation

昨日是陳展鵬與太太單文柔結婚兩周年，兩公婆撇甩瞓咗覺嘅1歲半囡囡陳諾瑤（小豬比）出去食飯慶祝，順便過吓二人世界。事後更sweet爆地在各自的社交平台分享，展鵬留言：「照單全收，thanks fans」，又hashtag「努力」、「女人心」、「包容」、「學習」，呢位新手老公兼爸爸有好多嘢要學咁喎！

除了合照，展鵬還影了一張老婆「帶保鏢出門」的相：「雖然今日係一個特別嘅日子，但係都唔使帶埋保鏢嚟睇住晒嘅，浪卡距離咁遠吹你唔走嘅！」這位男士其實是餐廳職員，恰好企在單文柔身後，又幾有保鏢feel。相反單文柔就叫展鵬唔好四圍望：「今日系（係）Anniversary，你前世情人訓(瞓)左（咗），就專心陪我！」老公八卦到唔記得今日咩事最重要，都唔知好嬲定好笑。

兩公婆除咗歎法菜，其實亦有去中環美利酒店staycation，再專程到位於灣仔的L'Envol歎法菜Dinner，唔知兩人有無過夜，但陳太影晒酒店房內嘅陳設加酒店為兩人慶周年紀念的汽球裝置非常滿足，而展鵬亦好滿意今年獲得米芝蓮一星的L'Envol餐廳，單文柔並搞笑表示「Anniversary好像變成了他的生日」。