星島日報

【獨家】努力造人望追個囡囡 黎諾懿慶幸太太非疫情下陀B

2020-10-15 23:30
黎諾懿正跟太太努力造人望追個囡囡,但慶幸太太未有在疫情下陀B。
黎諾懿正跟太太努力造人望追個囡囡,但慶幸太太未有在疫情下陀B。

黎諾懿在劇集《C9特工》飾演特工「B3」,他雖然劇中演特工好有型,但現實中他更享受做個貼地大叔,熱愛家庭生活的他,平日不是陪太太和囝囝小春雞,就是種花煮餸。他自爆想操到滿身肌肉,跟囝囝影輯寫真相,另外又積極跟太太努力造人,望追多個女「收工」,雖然在純天然下未有成績,但亦慶幸太太不是在疫情下陀B,否則會好擔心。撰文:杜淑霞 攝影:李維隆 場地:Greyhound Café Galleria

黎諾懿正跟太太努力造人望追個囡囡,但慶幸太太未有在疫情下陀B。
黎諾懿正跟太太努力造人望追個囡囡,但慶幸太太未有在疫情下陀B。
清減了的諾懿,最近積極戒口同操肌,望快些可以除衫同囝囝一齊影寫真。
清減了的諾懿,最近積極戒口同操肌,望快些可以除衫同囝囝一齊影寫真。




在《C9》好鬼有型又打得,但現實已踏入40歲的諾懿自認好麻甩,「太太成日講唔使返工嘅時候,有兩個地方一定搵到我,一間好地茂嘅雲吞麵舖,同埋花街,因為我好鍾意種植物,老婆都話我成個阿叔咁,幾時去埋雀仔街。」他連跟老友鄭伊健話題都轉變埋,「我識伊健咁耐,以前埋牙講玩乜買乜,𠵱家埋牙就傾最近有啲咩神醫、骨醫,互相介紹去試,話題隨住年紀改變。」

諾懿提到生B女,對眼發晒光恨到出晒面。
諾懿提到生B女,對眼發晒光恨到出晒面。
《C9特工》是諾懿打得最多的一套劇,「同埋呢次好特別,係第一次個角色係冇名,淨係得個編號『B3』。」
《C9特工》是諾懿打得最多的一套劇,「同埋呢次好特別,係第一次個角色係冇名,淨係得個編號『B3』。」




諾懿仲搞笑爆,太太李潔瑩會經常提醒他要保健身體,「老婆成日叫我去睇中醫,又成日話你個仔得3歲,你要錫住身體,拍嘢唔好亂跳,連助手仔都係咁提我,好彩好多嘢後生做咗,𠵱家真係會多咗啲顧慮。」不過他想趁變真正大叔前型多次,「希望40歲時可以攬住個仔成身肌肉,一排排嘅咁樣影輯相,同埋太太好鍾意睇韓劇,啲男主角都除衫,老婆又話你睇人哋!」



錫身的諾懿坦承為追多個囡囡鋪路,「希望啦!到我有日公佈可能都係仔,因為我哋係純天然,唔想逆天而行揀性別,但所有風水師都潑我冷水,佢哋話第四個有機會係女,我想剝佢哋牙骹。」他更講明會偏心囡囡,「我嘅教育係男仔嘅物質上嘅唔會畀,當然女仔調返轉晒,女係要錫,作為爸爸係希望將所有嘢留畀個女。」雖然諾懿跟太太努力造人一段日子,但反而慶幸未有聲氣,「今年冇都唔係一件壞事,如果太太喺疫情有咗BB,我喺生活同工作上有好大改變,可能唔係太重要嘅工作我會唔接嘅,好怕傳染到佢,所以可能連《刑偵日記》都唔會接,因為唔可以戴口罩開工,所以都算錯有錯着。」

諾懿平日不用開工,其他時間就是陪太太和小春雞(峰睿)。
諾懿平日不用開工,其他時間就是陪太太和小春雞(峰睿)。
諾懿坦承年紀漸長,連跟老友鄭伊健的話題都改變了。
諾懿坦承年紀漸長,連跟老友鄭伊健的話題都改變了。
最近孭住「廚神」身份的諾懿,近日拍住陳敏之主持全新飲食節目《今晚請客》。
最近孭住「廚神」身份的諾懿,近日拍住陳敏之主持全新飲食節目《今晚請客》。

最新回應

關鍵字

相關新聞

熱門文章