【恢復面授喇】黎諾懿囝囝化身樹熊爆喊 陳敏之拖3歲仔開心上學去
2020-09-29 17:15 
隨着新冠肺炎疫情趨緩，全港中小學及幼稚園今日（29日）起全面恢復面授課堂，一眾星媽紛紛於社交網上載仔女重返校園的照片，蘇永康太太馮翠珊（Anita）貼出母子車廂內的合照，她透露為了送3歲兒子蘇展弘（Jazz）返學，今晨特意比平時早一個鐘起身，並笑謂：「返到公司8:45am，以為自己係第一個到公司，點知已經有兩位同事早過我 @i_am_jazzso #k1 #開學啦 #happyboy #happyschool」
另邊廂，仲有陳敏之的3歲兒子雷子樂（Eddie）在幼稚園門外拍照，敏之又上載了兩影片，見Eddie淡淡定拖住媽咪入學校，完全冇扭計，仲叫媽咪企喺出面等他放學，好醒目，難怪敏之都留言大讚：「叻仔！真係大個仔了，K1完全唔喊，仲好開心，媽咪也開心，好好享受，校園生活 #kindergarten #motherandson #happyschool」
同樣是3歲的黎諾懿兒子黎峰睿（小春雞）就「水皮」啲了，諾懿太太李潔瑩於社交網大爆，以為小春雞大個仔返學唔會喊，殊不知媽咪一要離開，他便爆喊兼化身「樹熊」攬實媽咪唔畀走，真係慘情！
關鍵字
最新回應