星島日報

出席華鼎獎晒香肩好省鏡 溫碧霞戥任素汐奪影后好緊張

2020-10-15 11:00
就算只係出任頒獎嘉賓,但盛裝打扮的溫碧霞相當搶鏡。
就算只係出任頒獎嘉賓,但盛裝打扮的溫碧霞相當搶鏡。

身穿白色露肩晚裝溫碧霞(Irene)昨晚出席在澳門舉行的「第27屆華鼎獎頒獎典禮」,擔任「最佳女主角」頒獎嘉賓,就算Irene唔係得獎者,但省鏡及矚目程度沒有比下去。Irene恭賀出爐影后任素汐,大讚實至名歸,出席完頒獎禮後,再折返內地繼續工作,行色匆匆。

Irene今年憑電影《墮落花》女毒針角色獲愛爾蘭影展「最佳女主角」,成為國際影后,Irene表示被獲邀出擔任「華鼎獎」頒獎嘉賓,已經非常滿足:「我都好期待有朝一日能企喺華鼎獎舞台上奪獎,暫時就先做頒獎嘉賓,不過剛才宣布最佳女主角名單時,我心情都好緊張。」

今年可算是Irene豐收一年,亦重踏錄音室灌錄廣東歌《Make You Smile》,在疫情中發放正能量,Irene又開心公佈好消息:「啱啱收到《VIP音樂榜頒獎禮》通知,《Make You Smile》有份入圍角逐十大歌曲獎,而《水的個性》就有份入圍角逐經典歌曲獎,有份入圍真係好開心啦。」因為疫情關係,《VIP音樂榜頒獎禮》將於11月8日改在網上舉行。

就算只係出任頒獎嘉賓,但盛裝打扮的溫碧霞相當搶鏡。
就算只係出任頒獎嘉賓,但盛裝打扮的溫碧霞相當搶鏡。
溫碧霞晒白滑香肩。
溫碧霞晒白滑香肩。

54歲溫碧霞仲好索。
54歲溫碧霞仲好索。
溫碧霞頒發影后。
溫碧霞頒發影后。

最新回應

關鍵字

相關新聞

熱門文章