【分享教育心得】引導比輔導更重要 何超盈設計字母數字咭教導囡囡

去年8月28日，何超盈剖腹誕下8磅女兒辛千覓(荷包蛋)。超盈湊女唔靠工人，特別係教育更加唔可以鬆懈。超盈喺網上分享湊女心得，就係會買好多小玩具，包括小雪糕車、麵包店和蛋糕店，「想讓荷包蛋明白買東西需要排隊付錢，讓她知道哪些東西要放在哪裡。」而1歲2個月嘅「荷包蛋」都好聰明，而家能夠聽得明一啲簡單說話，亦知道要將自己嘅物件放返自己嘅櫃，同將媽媽嘅東西放回媽媽嘅房間，而超盈重申佢教女嘅時候都係用玩具，「所以她玩得很開心，也沒有什麼壓力。」

講到教育，超盈始終覺得引導比輔導更重要。「比如我會自己設計字母、數字，跟荷包蛋喜歡的迪士尼公主和卡通一起貼在牆上，這樣可以吸引她的注意，讓她主動去看，一邊玩一邊學習。」