【維港會】港媽管教兩子女激到失控 悔覺唔鍾意家庭熱鬧

生了才後悔？疫情下小朋友長時間在家，令到家長十分苦惱。網上討論區「親子王國」有主婦發文，每日管教兩名小朋友變得暴躁，情緒激動，才發現原來不太喜歡家庭熱鬧。

網民透露本身為人喜愛靜，平時都不會大聲説話，「但對住兩隻馬騮，真係斯文啲都唔得，依家派咗佢哋去姐姐房瞓，先有少許空間，讓自己沉澱一下」。她坦言，「但好聲好氣，又唔會聽，慈母多敗兒」。她感慨，「每日都要咆哮，好累，凑過兩件之後。反思自己原來唔係咁鍾意熱鬧，攪到個人好炆」。

帖文一出，不少過來人留言稱「我失控過百轉千回，由我個女小一至到而家中一，不過慣了，失控的頻率低咗好多」、「會，粗口都出埋，知道是壞榜樣，但個刻控制唔到，罵完之後又好後悔，但下次又再罵過，不斷輪迴不斷懺悔」、「沒有最失控，只有更失控，有時直頭唔想再講，眼淚不停流，只可以講 - 無奈」、「我大女幼稚園時好乖，又未升小學未嚟料，先覺得自己handle到兩個，而家一個高小，一個考小，大果個學習好甩漏，細果個未知，兩個人製造出嚟嘅聲響難以想像，而且唔會停，我喜靜，對住佢地就癲，我有時要鎖自己喺房靜下」

有網民勸告一眾家長冷靜，「因為罵及發癲都係自己EQ唔好，發洩咗喺小朋友身上，其實佢哋好慘，齋受無得反抗，心內積積埋埋，對成長有好處嗎？第二，無謂為咗學業而影響彼此的關係，呢樣嘢無得迫，人人的資質唔同，能力唔同，如果你細時做得唔好，亦唔識得點先係好，就被最親的爸媽喝罵，都好慘吓。第三，係惡性循環，罵慣咗變成唔罵唔聽，呢樣要慢慢收斂及改變大家的相處模式。」