超模Gigi Hadid生咗嘞 有型老竇Zayn拖住B女手手超開心

25歲超模Gigi Hadid及27歲One Direction前成員Zayn Malik拍拖多年不斷離離合合，去年尾再度復合，之後傳出GiGi懷孕但一直未經證實，今年9月，GiGi在ig貼出大肚照並透露已懷孕33周。

佗B期間，超模準媽媽經常喺ig貼出靚靚大肚照，有黑白有彩色，開心feel又有玩Moody嘅都有，話咁快，BB出世嘞，今日，新任父母各自喺ig貼出B女手手相公告天下。超模媽媽話:「呢個周末，我哋嘅B女加入咗我哋嘅生活，佢已經改變咗我哋嘅世界。」而靚仔老竇更開心到語無倫次：「我哋嘅寶貝女喺呢度，又健康又靚，我好想用言語去形容我呢刻嘅感受，但真係太難，我從呢個小生命身上感受到無與倫比嘅愛，好開心能夠認識佢，好驕傲佢係我女兒，感謝我哋擁有呢個小生命。」從兩人貼出嘅照片可以睇到，B女手手一直捉住爸爸及媽媽手手，畫面好溫馨。