同黎紀君齊齊下廚顯功架　李綺雯新節目學沖咖啡開Cafe

由李綺雯（𡃁妹）、黎紀君（Christy）及盧頌恩（妹頭）主持的香港開電視節目《開間咖啡店》，講述三人為實踐開咖啡店的夢想，走遍香港多間咖啡店取經，並向專業咖啡師「偷師」學沖咖啡。節目中，本身是蛋糕店老闆的Christy與廚藝了得的𡃁妹，更即場炮製甜品及小食，盡顯功架。

談到疫情影響蛋糕店生意，Christy說：「慶幸不是太大影響，有些婚禮訂單需要延期，好彩好多客人都很體諒，但又因為疫情以致好多人要在家抗疫，反而多了一家人相處，從而多了客人訂些生日蛋糕來慶祝。」

李綺雯透露自去年底已想開咖啡店，讓人有一個舒適的空間去休息、舒緩心靈，她說：「做生意真係好睇時機，同埋要看看遇唔遇到合適嘅夥伴。假若開一間咖啡店，我希望落手落腳親自去做，所以今次呢個節目對我嚟講係好好偷師機會，同埋喺節目中，我會煮不同嘅小食，其他兩位主持同工作人員試食後，有好多不同意見，對於我將來開咖啡店會係一個好好嘅參考。」

至於數月前投資七位數，在「疫」巿創業開設按摩店的盧頌恩，表示有意再開設咖啡店，她說：「自小夢想做小店老闆，我係一個享受人生嘅人，好鍾意按摩、歎咖啡，所以好想將呢種享受帶畀其他人。」對於按摩店在開業兩個月後便停業，盧頌恩直言感受到做生意有驚濤駭浪的感覺，她續道：「原本開業後生意不錯，但之後因為疫情要停業，不過租金、人工都要照出，所以有一定壓力。」