客串小肥劉浩龍合唱歌MV 葛文輝嘆受疫情影響失業很久

葛文輝（阿葛）為劉浩龍和徐智勇（小肥）的合唱歌《砒霜之後》MV客串一角。曾是商台資深DJ的他，被問到作為前輩對蘇耀宗（細So）不倫戀的睇法？他謂：「點睇？好難睇喎，咁深奧嘅問題、我真係唔曉，開始有代溝，我唔知當事人想法，因為佢遲我好多入商台，我呢啲算係長輩、一代宗師，所以大家好少見面。事關我95年已經唔係做商台長工，至03年先返商台做過一個節目，到06年再做軟硬，一直只係出出入入『撈散』，連位（座位）都無㗎！」
受疫情影響，阿葛稱失業很久了，娛樂和電影的工作也停頓，原本有兩個演唱會的配套工作也沒有了，還慨嘆幕前表演者、音響人員及主辦單位更陰公。至於設計方面的生意，也受物流和製造業的影響，認為許多方面應會重新大執位尋找解決方案。