朱智賢重返社交網疑為復出鋪路 謝東閔：當然支持鼓勵

謝東閔、陳蕊蕊、鄧洢玲等出席電競活動，東閔自認是「機迷」，早前曾代表無綫到日本參加足球比賽，因此「課金」近兩萬多，提升球員戰力。他說：「要為港爭光嘛！最後都贏咗兩場比賽。」他提到近年忙於拍攝，已經甚少打機，說：「我一打機就好投入，試過連續玩18小時，我寧願將呢份心機擺在工作上。」
提到女友朱智賢最近頻頻於社交網分享生活照，是否為復出鋪路？東閔說：「沒問佢，睇公司安排。我當然支持和鼓勵她復出。」

陳蕊蕊同樣是機迷，最愛打喪屍遊戲。談到男友可會一同打機？她笑說：「有呀！但佢會係咁鬧我，話我拖累佢，不過佢喺遊戲中鬧，出面世界我就惡過佢。」