【維港會】呻丈夫常與女同事傾電話 港媽斥唔理仔功課

有女網民在「親子王國」討論區發文，指丈夫下班後常與女同事聊電話，甚至連兒子的功課也不理，過從甚密令她大為不悅。

這位港媽稱，丈夫「每日放工都傾，邊揸車邊傾到家門口，唔落車仲繼續傾，多數是講公司是非，串來串去」。丈夫開擴音所以她有時同車回家會聽到。港媽又抱怨「今晚又由9點傾到11點半，我真係嬲嬲哋，尤其係，我同啲仔搏鬥緊功課，佢就咩都唔理掛住傾電話！」

港媽形容，「等傾哂應該返唔到屋企，已經好幾次，掛住傾電話，唔落車，我地就係屋企等佢開飯，比我落停車場捉到佢，叫佢收線！」她又抱怨感情變淡，「以前拍拖我每日都同佢講3個鐘電話，依家最多傾10秒」。

有網民就提醒港媽小心丈夫日久生情發生不正當關係，港媽就透露，「佢又唔怕我知佢地傾咩喎，開speaker俾我講，不過個女同事有時講野都幾嬌聲嬌氣，我聽到都震」、「個女同事都知我聽緊，因為我老公會強調佢老婆係現場，但我唔想答咀，好似幾尷尬下」。

有網民批評，「我估無太太會接受得到。你老公真係好唔識做。老婆仔女放埋一邊，同個日對夜對同事傾？我會叫佢不如同佢傾曬先返屋企」；也有人擔心「發展到有一日唔俾你聽你先行動就太遲啦」、「個個初頭都話純友誼，但現實中太多出事嘅個案，新鮮感勝過一切，唔識同異性保持距離嘅另一半好危險」。