【維港會】寧選新界置業？網民力數市區樓缺點多

香港樓價高企置業本已是難事，就算有錢買樓也要反覆思量何處安家。有網民在討論區就提出，提倡不要買市區樓，皆因弊病多多。

網民認為，「買樓要買真市區」的觀念十分落伍及不切實際，質疑「咪叫真市區先？」，是說油尖旺、觀塘、深水埗，還是灣仔、西環、銅鑼灣。

他認為，「呢啲所謂真市區，你請我都唔想住，唔好講環境污染空氣差，唔好講車聲浪，唔好講光污染，單單每日揸車返屋企，周末出去，塞車塞到你爆炸。」他形容，「望住朋友三號幹線揸車爽到爆返荃西，你仲塞緊人地已在家飲茶」。他又指，市區「周街老鼠、執紙皮阿婆，後巷污糟，又多一樓一，黑社會」。

網民批評，「我都唔明做乜要住真市區」，「香港地全部東西南北都一個小時車程，成個香港都係大都會區」，他提出，最緊要近鐵路，樓下附近有大商場，有海景或開揚景，空氣較好，才叫「真住人區」。

不過這番見解不是人人認同，有人指出「收租就真市區會容易出租。自住就睇自己要求及生活圈子。有人喜歡靜；有人喜歡落樓就咩都有。有人鍾意揸車，有人情願坐地鐵小巴巴士。百貨應百客，如果個個要求一樣，就唔會全港市區郊區離島山頂等等都有人住啦。」

也有表明，一切都是取決於有幾多本錢，市區也有高尚住宅區「何文田、太子道、九龍塘...唔好話唔係市區呀」