星島日報

【維港會】呻丈夫常與女同事傾電話 港媽斥唔理仔功課

2020-09-17 16:05
有港媽抱怨丈夫過從甚密。Pexels
有港媽抱怨丈夫過從甚密。Pexels

有女網民在「親子王國」討論區發文,指丈夫下班後常與女同事聊電話,甚至連兒子的功課也不理,過從甚密令她大為不悅。

這位港媽稱,丈夫「每日放工都傾,邊揸車邊傾到家門口,唔落車仲繼續傾,多數是講公司是非,串來串去」。丈夫開擴音所以她有時同車回家會聽到。港媽又抱怨「今晚又由9點傾到11點半,我真係嬲嬲哋,尤其係,我同啲仔搏鬥緊功課,佢就咩都唔理掛住傾電話!」

港媽形容,「等傾哂應該返唔到屋企,已經好幾次,掛住傾電話,唔落車,我地就係屋企等佢開飯,比我落停車場捉到佢,叫佢收線!」她又抱怨感情變淡,「以前拍拖我每日都同佢講3個鐘電話,依家最多傾10秒」。

有網民就提醒港媽小心丈夫日久生情發生不正當關係,港媽就透露,「佢又唔怕我知佢地傾咩喎,開speaker俾我講,不過個女同事有時講野都幾嬌聲嬌氣,我聽到都震」、「個女同事都知我聽緊,因為我老公會強調佢老婆係現場,但我唔想答咀,好似幾尷尬下」。

有網民批評,「我估無太太會接受得到。你老公真係好唔識做。老婆仔女放埋一邊,同個日對夜對同事傾?我會叫佢不如同佢傾曬先返屋企」;也有人擔心「發展到有一日唔俾你聽你先行動就太遲啦」、「個個初頭都話純友誼,但現實中太多出事嘅個案,新鮮感勝過一切,唔識同異性保持距離嘅另一半好危險」。

有網民抱怨丈夫駕車時常常與女同事通話。unsplash
有網民抱怨丈夫駕車時常常與女同事通話。unsplash

最新回應

關鍵字

相關新聞

熱門文章