踩入剧组演咸猪手医生锺炜乔奉旨摸「靓女」周嘉洛pat pat

2020-09-16 11:50

昨晚一集《爱回家》讲锺炜乔演西门医生向「金城安」及几位大学女学生「咸猪手」，然后露出狼相。

TVB有唔少后生「大只仔」型男，好似锺炜乔(Matt)及黄庭锋都系有学识兼有才艺系列。今日31岁牛一嘅锺炜乔曾经系兽医学生，亦曾同韩君婷传过绯闻。由香港开电视转投TVB接近两年，主力做娱乐新闻台。最近锺炜乔更有机会踩入剧组，昨晚播出嗰集《爱回家之开心速递》「该孩子远离阴暗角落」，Matt就演咸猪手西门医生，除咗非礼几个大学女同学外，仲咸猪手摸埋男扮女装嘅「金城安」(周嘉洛)patpat。

锺炜乔接受头条日报访问时说：「之前都客串过做过细角色，监制畀机会我，喺今集单元度做主角，同周嘉洛有好多对手戏。今集都落咗好多心机去做，『金城安』男扮女装，造型几靓女，好人羡慕我可以咸湿到佢，其实剧中话我对好多个嚟睇医生嘅女同学唔规矩，不过，周嘉洛系惟一个男演员，我梗系去尽啲，落力咁揸落去佢pat pat度啦！哈！佢pat pat几弹手，唔错。其实演医生唔难，始终都做过兽医，不过，今次露狼相，较猥琐。」提到生日愿望，他表示今次演戏有好多正评及鼓励，希望日后除咗做主播外，有机会想向剧集进发。