星島日報

撼爆眉骨獲品牌全方位援助 鍾欣潼逆市獲開心價續約代言

2020-09-15 17:30
早前不慎撼爆眉骨的阿嬌,獲合作多年醫療集團旗下品牌全方位援助。
早前不慎撼爆眉骨的阿嬌,獲合作多年醫療集團旗下品牌全方位援助。

鍾欣潼(阿嬌)於本月7日凌晨在廈門下榻酒店房中,因不慎跌倒撞爆右邊眉骨,傷口長達6cm,經過兩次縫合手術共縫了數百針後,上周五(11日)她已秘密「復工」,帶傷與張睿拍攝煞科戲,仲獲劇組大讚好專業。而事發當日,跟阿嬌合作無間的醫療集團旗下品牌亦主動表示向她提供全方位援助。

早前不慎撼爆眉骨的阿嬌,獲合作多年醫療集團旗下品牌全方位援助。
早前不慎撼爆眉骨的阿嬌,獲合作多年醫療集團旗下品牌全方位援助。
阿嬌於今年6月獲品牌逆市續約代言。
阿嬌於今年6月獲品牌逆市續約代言。

自2009年為該品牌擔任代言人的阿嬌,今年6月品牌更逆市加簽,並主動投放8位數宣傳費,來延續雙方長期合作的代言人合約。對此,阿嬌坦言:「好開心好感恩,其實咁多年嚟大家一直都合作愉快,已經變咗朋友嘅關係,所以好有親切感。(續約酬勞幾多?)係開心價。」

阿嬌指續約酬勞是「開心價」。
阿嬌指續約酬勞是「開心價」。
阿嬌上周帶傷「復工」與張睿拍煞科戲。
阿嬌上周帶傷「復工」與張睿拍煞科戲。

早前,阿嬌又以最佳狀態為品牌拍攝新一輯廣告,當日她與品牌團隊都默契十足,迅速完成拍攝,席間阿嬌還分享了自己的美容心得:「敷完mask一定要洗面,因為當皮膚吸收咗足夠水份後,如果面上仲有多餘嘅精華,就會塞住毛孔,反而有機會令到皮膚唔好。另外,之前自己都會用好熱嘅水洗頭,但慢慢發現頭皮好痕,睇醫生後先知原來用熱水洗頭會將健康嘅油脂洗走,頭皮得唔到滋潤就會變乾同痕,所以唔好用勁熱嘅水洗頭。」

阿嬌意外發生前一日拍攝的相片。
阿嬌意外發生前一日拍攝的相片。
阿嬌於本月7日凌晨在廈門下榻酒店房中,因不慎跌倒撞爆右邊眉骨。
阿嬌於本月7日凌晨在廈門下榻酒店房中,因不慎跌倒撞爆右邊眉骨。
由於傷口長達6cm,經過兩次縫合手術,阿嬌共縫了數百針!
由於傷口長達6cm,經過兩次縫合手術,阿嬌共縫了數百針!

最新回應

關鍵字

相關新聞

熱門文章