星島日報

同老婆撐枱腳晚餐勁豐富  黃智賢畀網友笑煮得太多

2020-09-12 09:30
黃智賢同老婆撐枱腳呢份晚餐勁豐富,難怪畀網友笑。
黃智賢同老婆撐枱腳呢份晚餐勁豐富,難怪畀網友笑。

黃智賢(Ben)向來廚藝了得,疫情期間佢更喺社交平台以「快樂廚房」做主題,分享下廚樂趣同烹飪心得,吸引咗唔少粉絲支持,之前仲搵埋好兄弟鄭嘉穎嘅老婆陳凱琳一齊整甜品。呢日Ben又出動,為同太太嘅晚餐落足心機,睇片見到呢晚真係相當豐富,佢留言話:「兩口子晚餐!#當造#無花果#宮崎牛#帶子#三文魚#星期五晚餐#黃智賢快樂廚房」由於份晚餐實在太大碟,搞到網友除了勁羡慕黃太,猛話「做你太太、真係幸福」、「你快樂廚房,黃太更加快樂~」、「哇!米之蓮水準啊!你老婆真幸福」外,仲轉移到佢哋「兩口子」食唔食得晒,「兩口子?真的能吃完嗎?」、「10口子都食得落啦!」、「好正!煮太多了。我過來吃吧!」。

黃智賢同老婆撐枱腳呢份晚餐勁豐富,難怪畀網友笑。
黃智賢同老婆撐枱腳呢份晚餐勁豐富,難怪畀網友笑。
Ben煮到笑笑口,就知佢幾享受下廚啦!
Ben煮到笑笑口,就知佢幾享受下廚啦!

是日晚餐有當造無花果、宮崎牛、帶子同三文魚。
是日晚餐有當造無花果、宮崎牛、帶子同三文魚。
黃太年前轉行做畫家,仲喺屋企開埋畫室,Ben在家下廚啱晒。
黃太年前轉行做畫家,仲喺屋企開埋畫室,Ben在家下廚啱晒。

早前Ben邀請陳凱琳一齊「快樂廚房」。
早前Ben邀請陳凱琳一齊「快樂廚房」。

最新回應

關鍵字

相關新聞

熱門文章