星島日報

休團只為找回做音樂初心 Kendy澄清同Robynn絕對冇不和

2020-09-10 10:00
Kendy表示休團只為找回做音樂初心,並非跟Robynn不和。
Kendy表示休團只為找回做音樂初心,並非跟Robynn不和。

Robynn&Kendy的Kendy Suen(孫曉賢)日前作客TVB娛樂新聞台節目《StarTalk》,接受主播許文軒(Edmond)專訪,大談單飛推出新歌《如斯》感受。Robynn&Kendy於3月宣布休團,專訪中Kendy被Edmond問到二人是否不和時,Kendy澄清:「絕對唔係不和!我哋一齊9年,一來同唱片公司滿約,二來我哋喺人生階段嘅時間表節奏上開始有所不同,三來好想搵返造音樂嘅初心,所以休團呢件事都糾結咗一輪,傾咗好耐。我哋都好珍惜呢9年嘅時間,有好多回憶、情感、經驗、得着同作品,我哋有傾過唔排除10周年會重組,但𠵱家想畀個空間各自做自己鍾意做嘅音樂。」



談到新作《如斯》屬於「療癒自己」的歌曲,Kendy說:「因為喺舊公司Robynn&Kendy有兩年時間工作停滯咗,冇乜出產,Send咗好多Demo畀公司都揀唔啱,嗰段時間有啲Depress,個狀態好辛苦,唔知造歌係追緊啲乜,有種營商嘅感覺,搞到好氣餒!其實我覺得自己唔係好適合喺呢個狀態裏面,以前好彩有Robynn,我哋會互補平衡返,𠵱家想搵返個舒服嘅狀態去創作。」

Kendy表示休團只為找回做音樂初心,並非跟Robynn不和。
Kendy表示休團只為找回做音樂初心,並非跟Robynn不和。
Kendy接受主播許文軒(Edmond)專訪。
Kendy接受主播許文軒(Edmond)專訪。

Robynn & Kendy於3月宣佈休團。
Robynn & Kendy於3月宣佈休團。
Kendy新作《如斯》屬於「療癒自己」的歌曲。
Kendy新作《如斯》屬於「療癒自己」的歌曲。

Robynn休團後,6月宣佈有喜。
Robynn休團後,6月宣佈有喜。

最新回應

關鍵字

相關新聞

熱門文章