【維港會】育兩孩港媽租樓還要為母交租及家用 呻日子難過

供養父母日常生活開銷不少人認為是理所當然，不過當如果要負擔上父母的住所租金，又是否合情合理呢？有網民在討論區「親子王國」發問，「有無人要負責埋呀媽既租樓錢?」。

當事人指，她負責了開支幾年，自己租一個地方，未滿65歲的母親又租另一個地方，還要交付3000元家用，覺得好辛苦。當事人透露，她一家4口加外傭姐姐住，她媽自己一個人住。至於爲何不一齊住，當事人解釋，「因為佢晚晚食煙飲酒無人頂得佢順，重有好污糟」。

有網民就留言稱，「我當你呀娘住劏房，6000，你自己4口住10000，每個成16000， 小數怕長計」。當事人就透露，「我自己（租金）唔止10000啦」，又指「以前佢（母親）有間居屋架，之後欠人錢賣咗間居屋，所以依家應該係唔可以申請公屋，因為已經接受過房屋署津貼...綜援佢拎緊架啦，千零蚊佢自己都唔夠使」

當事人其後再補充說，「我相信我依家所做既一切已經盡咗我最大既努力，盡咗做女嘅本份，問心無愧，我唔係要人認同我，只不過近來覺得壓力好大，如果無咗份工我都唔知點算」

有人就批評當事人有欠孝道，稱「第日我個女上網咁話我，我會好心痛...我養個女到長大成人都好重負擔，當然人老咗要靠後生內心係唔好過嘅，但為人兒女唔可以話呀媽污糟，我做女都會呻我媽行為思想，但我有生之年我有粥有飯都會餵飽我媽先，自己食唔食好閒。我媽病我同佢抹屎沖涼，佢問我怕唔怕臭，怕乜？我細個啲屎都係你抹人，要掉得返轉頭」

有人就認爲，「無不是之父母，呢句不嬲都呃人，自己做仔女嘅都要量力而為。」有人就建議，「家用加兩面租屋的確好吃力，不如去社署問下有冇咩津貼適合你媽媽個case」