處男執導《孤獨病》MV 姜濤越級挑戰「一take過」拍攝

2020-09-01 20:10
《孤獨病》MV將於明晚八點在Mirror YouTube Channel 首播。
《孤獨病》MV將於明晚八點在Mirror YouTube Channel 首播。

參加第一季ViuTV真人騷《全民造星》奪冠爆紅的「姜B」姜濤,第5首個人單曲《孤獨病》今日正式派台,而MV就聽日見街。由於姜濤正身處台灣拍劇,暫時未能回港宣傳新歌。不過唔緊要,雖然姜B人在台灣,但日日都可以喺香港見到姜濤個名,正所謂「姜濤不紅,天理不容」。講返MV,接job接唔停嘅姜B今次仲跨界別首次做埋MV導演,自導自演仲未算勁,佢更挑戰高難度「一shot落」拍攝,「姜糖」們是咪睇字已經想大叫?

《孤獨病》MV將於明晚八點在Mirror YouTube Channel 首播。
《孤獨病》MV將於明晚八點在Mirror YouTube Channel 首播。
MV以姜濤為中心出發,利用spotlight營造孤獨感。
MV以姜濤為中心出發,利用spotlight營造孤獨感。

《孤獨病》由林奕匡作曲、陳詠謙填詞,講述一個人孤苦無依的內心世界。歌曲以孤獨為主題,而姜濤腦海一直有個畫面與歌曲的主題匹配,他說:「好耐以前腦海就有一個畫面,有一個spotlight打落嚟照住我一個,好反映到我內心嘅畫面,但一直揾唔到合適嘅歌曲呈現出嚟,今次遇上《孤獨病》,係一個好好嘅機會去用呢個idea,所以我就同花姐講,可唔可以畀我參與拍攝MV嘅過程。」然後姜濤就順理成章成為《孤獨病》MV的導演。

姜濤首次執導MV,自言最好玩係可以坐喺導演位掌控成個MV拍攝過程。
姜濤首次執導MV,自言最好玩係可以坐喺導演位掌控成個MV拍攝過程。
MV發相可見Spotlight打在穿起黑色西裝的姜濤身上,一眾姜糖應該有排J。
MV發相可見Spotlight打在穿起黑色西裝的姜濤身上,一眾姜糖應該有排J。

早前在拍攝《蒙著嘴說愛你》MV時,當時的導演袁劍偉已想過為姜濤拍攝「一take過」的MV,但最後種種原因改變拍攝方法。今次姜濤終於得償所願,並首度擔任MV導演,被問到這次MV拍攝最好玩的地方是甚麼?姜濤笑言:「最好玩係可以坐喺導演位掌控成個MV,呈現喺你心目中嗰個樣,可能開頭唔似你想要嘅嘢,但係慢慢就成形,呢個係最過癮嘅地方。」講到最難忘的事情,姜濤表示是與工作人員之間的溝通,他說:「好多嘢唔符合你嘅畫面,你要慢慢同大家溝通,先可以做到你心目中想要嘅畫面,呢樣嘢睇落去好似好容易,但其實任何一支MV或影片,你哋睇到1秒嘅shot,都要好多工作人員配合先可以完成,加上今次係1 shot過,更加需要大家配合,所以都NG咗好多次。」





對於自己首次執導的表現,姜濤坦言未做到最好,他說:「我已經盡咗力,拍咗我心目中想要嘅嘢,當然理想同現實有一定嘅差距,但自己已經滿意,希望可以將成品分享畀大家。因為要見得人,係要過一個好高嘅關卡,所以過到自己,即使成品未係100分,都希望大家睇到都會有『wow!』嘅感覺。」姜濤明言,有機會的話,希望能再次執導,拍一首跳唱歌的MV。

姜濤腦海一直有一個畫面想在MV呈現,故跟經理人花姐自薦參與MV製作。
姜濤腦海一直有一個畫面想在MV呈現,故跟經理人花姐自薦參與MV製作。
《蒙著嘴說愛你》MV中,姜濤身處多個螢幕中跳唱。
《蒙著嘴說愛你》MV中,姜濤身處多個螢幕中跳唱。
姜濤現於台灣拍攝由ViuTV出品,台灣八大電視發行的新劇《超感應學園》。
姜濤現於台灣拍攝由ViuTV出品,台灣八大電視發行的新劇《超感應學園》。
關鍵字

最新回應

關鍵字

相關新聞

熱門文章