华丽转身首当女一汤怡唔敢面对当年美女厨神惊青样

2020-08-17 18:41

现年32岁有「少女版黎姿」称号嘅汤怡出道14年，终于喺TVB新剧《反黑路人甲》担正女一，她表示每一集都有追睇，见到第一集反应已好大，笑说：「特别系转身一幕，大家都赞，监制特别帮我拍得好靓，朋友话似洗头水广告，自己都希望留返长头发，可以接到广告。」

问有否叫朋友支持？汤怡表示：「收到好多朋友cap相畀我，但都系十几年前做《美女厨房》嘅相，我最近都收到几次，一直都唔敢睇、唔敢面对，当时做美少女厨神，第一次面对镜头，又行Catwalk又煮餸，惊惊青青唔敢表达。」

提到一出场便和王浩信做牀戏，汤怡预告还有更激演出，将会在车厢中进行，汤怡与陈家乐在电影《死因无可疑》都有牀戏，问是否更激？她笑说：「我觉得系，因为同家乐冇乜感觉，大家太Friend，浩信气场太劲，搞到我提心吊胆。」