【獨家】唔靠富老竇 IG貼性感相谷網店生意 港姐王卓淇收淫相兼被問價
2020-08-16 22:30
2014年港姐亞軍王卓淇(Erin)經常於社交網晒42長腿及螞蟻腰,成功獲網民封為新一代「性感女神」。家有經營護膚品生意的富爸爸,自小衣食無憂的Erin近年轉戰商界,開網店賣護膚及減肥產品,自家品牌ENBO亦於6月面世,自己做埋「生招牌」是常識吧!有傳她志不在拍劇,一心只想成為網紅,Erin卻否認:「我鍾意做生意,但呢個係副業,我更喜歡演藝工作。」不過頻頻Po性感照,難免惹「衰格網友」傳來淫照和問價,我行我素的Erin就懶得理:「呢個年代只要唔傷害人、唔犯法,女仔鍾意點活就點活,好自由!」撰文:黎寶倫 攝影:李維隆 服裝:decembereight 場地:The Grill Room 鳴謝:Barry@巧鬆啲
出身富裕家庭的王卓淇,早年獲父親買車買樓留港發展演藝事業,仲傳開工有幾個跟班服侍,令外界覺得她「賺錢買花戴」,不過Erin絕不認同:「唔係囉,都要自己努力,特別喺娛樂圈,就算你好有錢都唔代表人哋會鍾意你、你就會有好多機會,因為觀眾緣係買唔到,一定要有實力,人哋先慢慢睇到你。」
冇打算靠父蔭
因此,早前於無綫劇《那些我愛過的人》中,她不惜化毀容妝演癌症患者,終於成功獲網民大讚演技進步,Erin盼有機會扮演精神分裂角色,希望觀眾能看到自己多面的演出。至於親熱戲,她笑說:「真係未拍過牀戲喎,我應該會怕醜,隨緣啦,但有都會專業做,咁多人望住都唔會好享受。(唔介意性感演出?)角色需要都會嘅。」講到入行6年來收入不多,如今搞網店,又會否擔心被指靠父蔭?Erin笑謂:「如果靠父蔭就直接攞屋企產品嚟賣啦,我鍾意做自己嘢。」
性感照引問價
凡事親力親為的Erin亦密密Po晒腰及長腿照,植入式Sell自家Tee及瘦身產品等,問性感照有否引來口痕友騷擾?她不諱言:「梗有啦!隔一、兩個月就收一次淫褻相。(男士性器官?)應該係,但IG會自動朦咗張相,我對眼冇受威脅,所以冇覺得唔舒服,又可能其實手指嚟,哈哈!」對於圈中時有聽聞女星被「問價」,Erin也坦言曾有人Inbox她,出價20至100萬都有,她笑說:「我覺得佢哋吹水,所以唔會理,相信呢啲錢我自己都賺到,同埋我都接受唔到,寧願辛苦啲自己努力。(避免Po性感照?)唔得!我賣減肥產品㗎嘛,冇好身材點去說服我啲客呢。」
最新回應